കാസര്കോട്: മഞ്ചേശ്വരം നിയമസഭ മണ്ഡലത്തിലെ എസ്ഡിപിഐ സ്ഥാനാര്ത്ഥിയെ പിന്വലിച്ചു. എസ്ഡിപിഐ സംസ്ഥാന പ്രസിഡന്റ് സി പി ലത്തീഫിന്റെ അദ്ധ്യക്ഷതയില് ചേര്ന്ന യോഗത്തിലാണ് സ്ഥാനാര്ത്ഥിയെ പിന്വലിക്കാന് തീരുമാനിച്ചത്.
മഞ്ചേശ്വരം ഉപ്പളയില് ചേര്ന്ന യോഗത്തിലാണ് തീരുമാനം. സ്ഥാനാര്ത്ഥിയായി നിശ്ചയിച്ചിരുന്ന കെ എം അഷ്റഫ് നാമനിര്ദേശ പത്രിക പിന്വലിച്ചു.
നാമനിര്ദേശ പത്രിക സമര്പ്പിക്കുന്നതിനുള്ള അവസാന തിയ്യതിയിലാണ് മഞ്ചേശ്വരത്ത് എസ്ഡിപിഐ സ്ഥാനാര്ത്ഥിയെ പ്രഖ്യാപിച്ചത്. എസ്ഡിപിഐ സ്ഥാനാര്ത്ഥിത്വം യുഡിഎഫിനെ പരാജയപ്പെടുത്താന് കാരണമാകുമെന്നും ബിജെപിയെ വിജയിപ്പിക്കാന് സഹായിക്കുമെന്നും വിമര്ശനമുയര്ന്നിരുന്നു.
ഇതോടെയാണ് എസ്ഡിപിഐ സ്ഥാനാര്ത്ഥിയെ പിന്വലിക്കുന്ന കാര്യം ആലോചിച്ചു തുടങ്ങിയത്. ഇന്നലെ സംസ്ഥാന അദ്ധ്യക്ഷന് തന്നെ എസ്ഡിപിഐ സ്ഥാനാര്ത്ഥിത്വം പിന്വലിക്കുന്ന കാര്യം പരിശോധിക്കാവുന്നതാണെന്ന് പ്രതികരിച്ചിരുന്നു. അതിനെ തുടര്ന്നാണ് ഇന്ന്് ചേര്ന്ന യോഗത്തില് എസ്ഡിപിഐ സ്ഥാനാര്ത്ഥിയെ പിന്വലിക്കാന് ധാരണയായത്.
Content Highlights: Social Democratic Party of India decides not to contest in Manjeshwaram constituency